სიახლეები

          • სასკოლო სპორტული ოლიმპიადა

          • სასკოლო სპორტული ოლიმპიადის ფარგლებში პირველი შეჯიბრება მინი ფეხბურთში გაიმართა, რომელშიც მუნიციპალიტეტის 14 სკოლა მონაწილეობდა.

            ფინალურ შეხვედრაში გოგონათა გუნდებს შორის პირველი ადგილი შუა ამაღლებისა და ხიდისთავის გაერთიანებულმა გუნდმა მოიპოვა, ხოლო ვაჟებს შორის - N1 საჯარო სკოლის გუნდმა.

            მეორე ადგილი ვაჟებს შორის -ა(ა)იპ ჩოხატაურის ყოვლადწმიდა ღვთისმშობლის სახელობის მართლმადიდებლური სკოლის გუნდმა.

          • პროექტი ადიქციაზე

          • პროექტი ადიქციაზე

            ჩვენი სკოლის თვითმმართველობამ, მეათე კლასელებთან და სამოქალაქოს მასწავლებელთან ერთად, ჩაატარა განსაკუთრებული პროექტი, რომელიც ადიქციის შესახებ ცნობიერების ამაღლებას ემსახურებოდა.

            პროექტის ფარგლებში, მეათე კლასმა ჩაატარა გამოკითხვა , რათა გაერკვია მოსწავლეების ცოდნა და დამოკიდებულებები ამ თემასთან დაკავშირებით. შემდგომში გაიმართა საინფორმაციო შეხვედრები , სადაც მონაწილეებმა სხვა კლასებს გააცნეს ადიქციის სხვადასხვა ფორმები, რისკები და პრევენციის გზები.

            ეს პროექტი დაეხმარა მოსწავლეებს ადიქციის თემაზე უკეთესად ინფორმირებაში და პრევენციის მნიშვნელობის გააზრებაში. სკოლის თვითმმართველობა ამაყობს თითოეული მოსწავლით, რომელმაც თავისი წვლილი შეიტანა ამ ინიციატივაში!

            ერთად ვქმნით ჯანმრთელ და ძლიერ მომავალს!

            12

          • " მამული, ენა და სარწმუნოება"

          • "კარგია გაღვიძებული ადამიანი, მაგრამ უფრო უკეთესია ადამიანი, რომელსაც ძილშიაც არა სძინავს, ქვეყნის უბედურებით გულ-აღტკინებულსა."

            მართლმადიდებლური სკოლის VII კლასის მოსწავლეებმა განახორციელეს პროექტი: სწავლა სინათლეა...

            იმყოფებოდნენ საგურამოში, ილია ჭავჭავაძის სახლ-მუზეუმში. ეზიარენ იმ ღირებულებებსა და ფასეულობათა არსს, რასაც" მამული, ენა და სარწმუნოება" ჰქვია.

            8

          • შემოდგომის ულამაზესი ფესტივალი

          • მართლმადიდებლური სკოლის თვითმმართველობამ სკოლის,მასწავლებელბისა და მშობლების უდიდესი მხარდაჭერით შემოდგომის ულამაზესი ფესტივალი გამართა, რომელიც გაერთიანების და მეგობრობის დღესასწაული იყო.

            მოსწავლეებმა საოცარი შემოქმედებითი ნიჭი წარმოაჩინეს. ღონისძიებამ კიდევ ერთხელ გვაჩვენა, რამდენად ძლიერია ჩვენი ერთობა და სულიერი ძალა. მადლობა მშობლებს,მასწავლებლებს,ყველას, ვინც მხარი დაგვიჭირა და გაგვილამაზა დღევანდელი ღონისძიება!

            14

          • ტრადიციული ინტელექტუალური თამაში

          • ტრადიციული ინტელექტუალური თამაში ,რომელშიც მონაწილეობდნენ ბებიების კლუბი, მოსწავლეთა თვითმმართველობა, მე-9 კლასი, მე-11 კლასი, მასწავლებელთა გუნდი, მშობელთა კომიტეტი, მასწავლებელთა მორიგი გამარჯვებით დასრულდა.

            მადლობას უხდის სკოლის ადმინისტრაცია მშობლებს, ბებიების კლუბს , მოსწავლეებს ...საინტერესო ჩართულობისთვის, ულოცავს გამარჯვებას პედაგოგებს , უსურვებს წარმატებას.

            ასევე, მადლობას უხდის ჟიურის წევრებს მხარდაჭერისთვის.

            15

          • პროექტი :,,წიგნი - ჩემი საუკეთესო მეგობარი"

          • მე-4 კლასის მოსწავლეებთან ერთად განვახორციელე პროექტი :,,წიგნი - ჩემი საუკეთესო მეგობარი"

            მოსწავლეებმა წარადგინეს პრეზენტაციები

            საყვარელი წიგნების შესახებ და გაცვალეს შთაბეჭდილებები.

            ვისწავლეთ ბიბლიოთეკაში მოქცევის წესები, გავეცანით წიგნის კითხვის აუცილებლობას ყოველდღიურ ცხოვრებაში.

            ,,ვისაც წიგნის კითხვა უყვარს, მას მუდამ გვერდით ჰყავს ერთგული მეგობარი, მხიარული თანამოსაუბრე, ბრძენი მრჩეველი და დამრიგებელი".

            (ისიდორ ბაროუ)

            საგანი : მე და საზოგადოება.

            მადლობა მოსწავლეებს ჩართულობისათვის და მხარდაჭერისთვის კლასის ხელმძღვანელს

            https://www.facebook.com/100075710721574/videos/452501324087914

          • "შეიყვარე ჯადოსნური სიტყვები"

          • ჩოხატაურის ყოვლადწმინდა ღვთისმშობლის სახელობის მართლმადიდებლური სკოლის მე-3 კლასის მოსწავლეებთან ერთად განვახორციელე პროექტი

            ,,შეიყვარე ჯადოსნური სიტყვები"

            სამრევლო სკოლის დერეფნებში ჯადოსნური სიტყვებით დატვირთულმა მატარებელმა ჩამოიარა,მოსწავლეები ისეთ მნიშვნელოვან სიტყვებს არიგებდნენ,როგორიცაა :გამარჯობა, მადლობა,მიყვარხარ,ბოდიში,ნახვამდის და სხვა.

            საგაკვეთილო თემა ეხებოდა ჯადოსნური სიტყვების მნიშვნელობას,სწორად გააზრებასა და გამოყენებას ყოველდღიურ ცხოვრებაში.

            აქტივობის მიზანი : მოსწავლეებში შემოქმედებითი უნარ-ჩვევების განვითარება. საგაკვეთილო თემის უკეთ გააზრება, თითოეული მათგანის ჩართვა და დაინტერსება.

            ვფიქრობ, საინტერესო აქტივობა გამოგვივიდა, ჩვენი ყოჩაღი მე-3 კლასელები ნებისმიერ დავალებას დიდი ინტერესითა და სიხარულით ასრულებენ - მადლობა პატარა მერცხლებს!

            https://www.facebook.com/100075710721574/videos/1761342884690374

          • Key Consulting ლიდერთა სკოლა

          • გაიცანით საუკეთესო მოსწავლეები, ჩოხატაურის ყოვლადწმინდა ღვთისმშობლის სახელობის მართლმადიდებლური სკოლიდან, რომლებიც მონაწილეობენ ქი ქონსალთინგის ლიდერთა სკოლის არასასკოლო, ინტელექტუალურ აქტივობებში. მოსწავლეები და პედაგოგი, ქი ქონსალთინგისგან საზეიმოდაც დაჯილდოვდებიან.

            ასევე, გაგაცნობთ მათ გამორჩეულ პედაგოგს, ქალბატონ მარინა ოჩიგავას, რომელიც მუდმივად ზრუნავს მოსწავლეების განვითარებაზე და ამ მიზნით, მონაწილეობს კლასთან ერთად ქი ქონსალთინგის ინტელექტუალურ აქტივობებში.

            პროექტის ფარგლებში მოსწავლეები ეუფლებიან გუნდურობისა და კომუნიკაციის უნარებს, ეჩვევიან პრეზენტაციებსა და საჯარო გამოსვლებს. ისინი დავალებებს ქართულ და ინგლისურ ენებზე ქმნიან.

            თუ გსურთ, თქვენს კლასთან ერთად (მეორე კლასის ზემოთ) ჩაერთოთ არასასკოლო აქტივობებში და მონაწილეობა მიიღოთ პროექტის საზეიმო დაჯილდოების ცერემონიაში, შეავსეთ სააპლიკაციო ფორმა: https://docs.google.com/…/1FAIpQLSdEYlKvfWKGJB2fEC…/viewform?

            35