სიახლეები

იანეულის საჯარო სკოლის მე-7,მე-8, მე-9 და ღვთისმშობლის სახელობის სამრევლო სკოლის მე-10 კლასები, ინტერგირებული გაკვეთილი.

თემა: "თამარ მეფე და შოთა რუსთაველის ვეფხისტყაოსანი"

ქართული ენისა დალიტერატურის მასწავლებელი - ნანა მგალობლიშვილი

ისტორიისა და სამოქალაქო განათლების მასწავლებელი- ზურაბ სიხარულიძე

 

 

 

ეს წარწერა დამხვდა დღეს სკოლის კედელზე.

ყოფილი მოსწავლისაგან-მეთქი ვერ ვიტყვი, რადგან ჩვენს სკოლაში მათზე წარსულში არ ვსაუბრობთ, განუყოფელნი არიან ჩვენი საერთო თავგადასავლის.

რა შეიძლება იყოს სკოლისთვის უფრო დიდი ბედნიერება და მაღალი შინაარსის ,ვიდრე ეს სულის სითბოთი დაწერილი სიტყვები შენი ნაწილისა.

თითოეული სიტყვა სულში წონიანს გიღვრის ,გაფიქრებინებს, რომ ეს შენმა სკოლამ შეძლო ,შეძლო თითოეული მოსწავლის სულში შეეღწია და მნიშვნელოვანი კვალი დაეტოვებინა.

ჩვენო გურამ, არც სკოლას დაავიწყდები, ვიდრე იქნება და თქვენით , თქვენი ღირსეული ნაბიჯებით წერს თავის ისტორიას.

გვიყვარხარ, არ გემშვიდობებით, ვიცი უკან შენი სამშობლოს სიყვარული დაგაბრუნებს.

იამაყეთ, ჩოხატაურს მუდამ პირველი მასწავლებელი ჰყავს.

15 წელია ტარდება პატრიარქის ლოცვა-კურთხევით ინტელექტუალური კონკურსი-"ჩვენ ვსწავლობთ ბიბლიას".

15 წელია ანასტასია ძნელაძის ხელმძღვანელობით მონაწილეობს კონკურსში სკოლის ორი გუნდი.

ყოველ წელს გამარჯვებულია.

ეს მასწავლებლისა და მოსწავლეების თავდაუზოგავი შრომის, პასუხისმგებლობისა და ნიჭიერების შედეგია.

ანასტასიამ ჩოხატაური მთელ საქართველოს გააცნო, უკვე ყველა რეგიონი იცნობს მას და ბავშვებს ,როგორც დაუმარცხებლებს.

გამორჩეულია უბრალოებითა და თავმდაბლობით, თორემ 10 მასწავლებელს ეყოფა მისი წარმატება.

კონკურსის დამსახურებაა, რომ ბავშვები კითხულობენ წმინდა წერილს, რომლის გარეშე წარმოუდგენელია , ბევრი რამის სიღრმისეული წვდომა, არაერთხელ მოილოცეს იერუსალიმი, იმოგზაურეს იტალიაში.

ანასტასია საჩუქარია სამრევლო სკოლის და არამარტო სკოლის, მუნიციპალიტეტის.

ვუსურვებ კვლავ უამრავ წარმატებას.

იამაყეთ, თქვენ გამორჩეული მასწავლებელი გყავთ, რომელიც არასდროს თმობს პირველობას ,ღირსეულად იმარჯვებს , უამრავ ბავშვს ჩუქნის ინტელექტუალურ სიხარულს.

მე-8 კლასმა ( ხელმძღვანელი თამარ თავბერიძე) განახორციელა პროექტი-"ჟღერდა, მღეროდა სიცოცხლე ქვიდან".

პროექტის ფარგლებში მოინახულეს ვარძია, ხერთვისი, თმოგვი, საფარა, ზარზმა, გრიგოლ ხანძთელის მოსწავლეების მიერ აგებული მწვანე მონასტერი, რაბათი, ესტუმრნენ ობსერვატორიას, მოუსმინეს ლექციას ობსერვატორიის ისტორიასა და კვლევებზე.

ისაუბრეს ტაძრის წინამძღვრებთან ქრისტიანული ცხოვრების არსსა და მნიშვნელობაზე.

არაფორმალური გარემო სოციალური უნარ-ჩვევების ჩამოყალიბებისთვის მნიშვნელოვანია , ერთად გატარებული დაუვიწყარი დღეები კი ხელშემწყობი ერთმანეთისკენ სავალი გზების საპოვნელად.

ერთად ყოფნის სიხარული დაუვიწყარ მოგონებად დარჩებათ ბავშვებს, ამ ორ დღეს ყველაფერი იყო, იყო აღფრთოვანება თავიანთი წინაპრების ნაღვაწით, სამშობლოს გულთან ახლოს განცდა, თავმოწონება ქართველობით, ერთმანეთით, მეგობრობით, კვლავ განმეორების სურვილიც იყო, ახალი თავგადასავლის მძაფრი სურვილი.

მადლობა ყველას ,ვინც ბავშვებს დაუვიწყარი დღეები აჩუქა.

მადლობა მშობლებს.